చెట్లేంజేస్తాయి..

కూలిన చెట్లేంజేస్తాయి
మన ఊపిరితిత్తుల్ని
విష పూరితంచేస్తాయి

కూలిన చెట్లేంజేస్తాయి
మనం నివారించలేని
అనావృష్టిని రాసిస్తాయి

కూలిన చెట్లేంజేస్తాయి
నగ్నంగా చెలరేగుతున్న నాలుకల
తేమను హరింపజేస్తాయి

కూలిన చెట్లేంజేస్తాయి
ఎవరు తవ్విన గోతిలో
వారిని భూస్థాపితం చేస్తాయి

కూలిన చెట్లేంజేస్తాయి
కరువు కాటకాలు మొలిపించి
పల్లెల్ని మరోసారి వలస బాట పట్టిస్తాయి

కూలిన చెట్లేంజేస్తాయి
హరితహారం స్ఫూర్తిదాతలకు
మరోసారి పచ్చని తివాచీని పరుస్తాయి

కోట్ల వెంకటేశ్వర రెడ్డి
9440233261