తిర్ఖా కప్

బీటలు వారిన చాయ్ కప్పులా ఉన్నాడతడు
అచ్చం పట్టుకోవడానికి హ్యాండిల్ లేని కప్పులా
పెదాలను కాలుస్తుందేమో అన్న భయంతో
ఎవరూ కూడా ఆ కప్పుని నోటి దాకా తీస్కెళ్లరు

పోనీ చేతుల్లోకి తీస్కుందామంటే
దానిలోని సలసలమనే వేడి చేతి వేళ్లను కాల్చేస్తుంది.
అతనలాంటి చాయ్ కప్పులాంటి వాడు..
ఎప్పుడూ సెగలు కక్కుతూ ఉండేవాడు
సహనం చచ్చిన అతని బాస్ ఒక రోజు ఆ చాయ్ కప్పుని
ఆఫీసు నుంచి ఉక్రోషంగా బయటకు విసిరి
“నడువు బయటకి దళితుడా”  అంటాడు.
అంతే  వెంటనే
ఆఫీసులో అందరి మొఖాలు
చాయ్ కప్పులా పగుళ్లు వారి పోయాయి.

అనువాదం: గీతాంజలి

(గుల్జార్ ఉర్దూ దళిత కవిత్వం)